የመጽሐፍት ዳሰሳ

« …ሳስበው … ባሌ እራሴን ባልሆን የሚመርጥ ይመስለኛል። እንደማንኛውም ሚስት፣ “ሚስት ሚስት” የምትሸት (ይቅርታ፤ “ሚስት ሚስት” መሽተት ማለት ማብራሪያ ካስፈለገው፤ ጠብ እርግፍ ብላ፣ ባሏን፣ ልጆቿን፣ ቤቷን የምትይዝ፣ ጥያቄ፣ ንግግር የማታበዛ፣ ብዙ የማትጠይቅ፣ ቁጥብ፣ ስትቀመጥና ስትነሳ፣ ስትበላና ስትጠጣ፣ ክብብ ድርብብ ያለች…) ብሆን የሚመርጥ ይመስለኛል። እራሴን በሆንኩ ቁጥር ፍርሃት ውስጥ ይገባል። መቼ፣ ምን ዐይነት ነገር ውስጥ እንደምገባ አይታወቅማ! የእኔ ነገር፣ አንድ ቀን ተነስቼ ‘አብረን እየኖርን፣ እራሴን መሆን ስላልቻልኩ ትንሽ ጊዜ ልውሰድ፤ … አደራ ልጆቹን እያየሃቸው። ለአንድ … ሁለት ዓመት ብቆይ ነው’ ብዬው ብሄድስ? ደግሞም ልለው እችላለሁ። እሱ በፈራ ቁጥር ነጻነቴን ያፍነዋል። እኔ ደግሞ በታፈንኩ ቁጥር ወደ መፈንዳቱ እሄዳለሁ… »